Santa María de Cereo, situada no extremo Noroeste do Concello de Coristanco, bañada polo Anllóns e o Calvar (afluente do Anllóns) presenta unha poboación de casi 500 habitantes.

De forma redondeada, chama a atención a súa inclinación cara o norte, consecuencia da baixada do Anllóns, que a esta altura fai as veces de liña divisoria con Ponteceso. Tamén linda con Malpica e Cabana.

Zona de piñeirais abondosos, sobre todo en Vilaverde, salgueiros, bidueiros e sanguiños distribuense por toda a beira do río como mostrario da riqueza vexetativa que podemos atopar en toda a comarca. 

O accidentado de terreo fai especialmente dificultosas as labores agrícolas nesta comarca, atopándose as principais elevacións na parte occidental, entre as que destacan o Muíño Mouro e a costa de Monelo.