|
SERVIZOS SOCIAIS DO CONCELLO DE CORISTANCO O departamento de servizos sociais do concello de Coristanco traballa para mellorar a calidade de vida dos veciños e veciñas do municipio incidindo especialmente nos cidadáns con menos recursos, en situación de carencia ou marxinación social. Programas básicos desenvolvidos dende os servizos sociais: Programa de información, asesoramento e orientación sobre recursos e posibilidades de superación de situación carenciais ou doutras problemáticas sociais individuais, de grupos ou da comunidade. Programa de axuda no fogar para prestarles un conxunto de atención de carácter doméstico, social, persoal ou educativo ós veciños no seu medio. Programa de inserción social que procure dar resposta a problemáticas concretas de marxinación e exclusión social aplicando tanto proxectos de traballo social personalizados ou de grupo como prestacións económicas específicas. Programa de convivencia alternativa que supoña, en determinados núcleos de poboación, a oferta de aloxamento provisional en casos de emerxencia persoal ou familiar mentras non se realice a oportuna análise do caso e a súa derivación cara a un tratamento difinitivo. Programa de teleasistencia para persoas dependentes. Programa de teleasistencia para vítimas de violencia de xénero. Plan de axuda de alimentos ós máis necesitados.
Estas son algunhas das axudas que, entre outras moitas, se tramitan nos servizos sociais municipais: Renda de integración social de Galicia (RISGA) Pensión non contributiva de xubilación ou invalidez Emerxencia social Cheque asistencial “Salario da liberdade” para mulleres víctimas da violencia de xénero Axudas individuais non periódicas Pagamento único por fillo a cargo Solicitude de valoración do grao e nivel de dependencia
|
